Sexy He(Ze)ro’s
అతనో పోలీసు ఆఫీసర్, అధికారం, అంగబలం పుష్కలంగా వున్న వ్యక్తి, అలాంటి వ్యక్తికి అడ్డేముంటుంది. కామం తో కళ్ళు మూసుకుపోయాయి. అందుకే ముక్కు పచ్చలారని పద్నాలుగేళ్ళ అమ్మాయి పై అతని కన్ను పడింది. అంతే.. ఆ అమ్మాయి ని కసితీరా రేప్ చేసి ఆమె ఆత్మహత్య చేసుకోవడానికి కారకుడయ్యాడు. ఒక నిండు జీవితాన్ని తన కామ క్రూరత్వానికి బలి చేసాడు. ఇంతకీ అతను ఎవరో చెప్పలేదు కదూ.. అతని పేరు రాథోడ్. హర్యానా మాజీ డి.జి.పి. ఇరవై ఏళ్ల క్రితం టీనేజ్ అమ్మాయి రుచికా గిర్హోత్ర పై అత్యాచారం జరిపి, ఆమె ఆత్మహత్య చేసుకునేలా చేసిన నయవంచకుడు. టెన్నిస్ క్రీడాకారిణి అయిన రుచికా తన ఫ్రెండ్ ఆరాధన గుప్తా తో కలిసి టెన్నిస్ ప్రాక్టీస్ చేస్తున్న సమయంలో ఈ కామాంధుడి చూపు రుచికా పై పడ్డాయి. అంతే ఆమెని మానభంగం చేసాడు. తన పరపతి ని ఉపయోగించుకుని ఇరవై సంవత్సరాలు శిక్ష నుండి తప్పించుకున్నాడు. కాని చివరికి న్యాయం గెలిచింది. ఈ కామందుడికి శిక్ష పడింది. ఇప్పుడు మన వాడు కటకటాల వెనుక ఉన్నాడు. రాష్ట్ర శాంతి భద్రతలను కాపాడే డి.జి.పి. స్థాయి వ్యక్తి ఓ మానభంగం కేసులో జైలు కి వెళ్ళాడంటే అంతకంటే దౌర్భాగ్యం మరోటి ఉంటుందా.. హూ.. ఇంతటి ఘన కార్యం చేసిన వాడికి సెక్సీ హీ(జీ)రోస్ లో స్థానం ఇవ్వకుంటే బావుండదు కాబట్టి.. సదరు రాథోడ్ ని సెక్సీ హీ(జీ)రోస్ జాబితాలోకి విసిరేసాం…
No comments:
Post a Comment